బాలీవుడ్ కి గురిపెట్టిన ముద్దుగుమ్మ

త్వరలో బాలీవుడ్ లో పెద్ద స్టార్ ని కావడమే తన ముందున్న లక్ష్యం అంటోంది బెంగాలీ భామ శ్రద్దాదాస్. 'ఇప్పటికే అక్కడ నాలుగు సినిమాల్లో యాక్ట్ చేశాను. నాకంటూ ఓ గుర్తింపు కూడా వచ్చింది. ఇక మంచి హిట్ పడితే సెటిల్ అయిపోతాను' అంటోంది. నటనతో బాటు పాటలు కూడా పాడాలన్నది తన కోరికని చెబుతోంది. "ఆమధ్య 'సై ఆట' సినిమాలో దేవిశ్రీ నాచేత ఓ పాట పాడించారు. నా బాడీ లాంగ్వేజ్ కి సింగింగ్ కూడా బాగా సూట్ అవుతుందని చాలా మంది అంటుంటారు. అందుకే బాలీవుడ్ లో సింగర్ గా కూడా ట్రై చేస్తున్నాను" అంటోంది. తనకిక తెలుగులో ఎలాగూ అవకాశాలు రావని శ్రద్దా డిసైడ్ అయిపోయినట్టుంది. అందుకే 'బాలీవుడ్ మీదే తన దృష్టి' అంటోంది.