ఈసారైనా నిలబెట్టుకుంటాడా ?

'విక్రమార్కుడు' సినిమాలో విలన్ పాత్రలో చక్కగా నటించి గుర్తింపు తెచ్చుకున్న అజయ్, అలాగే కంటిన్యు అయివుంటే కనుక అతని కెరీర్ బాగానే వుండేది. అయితే, అత్యాశకు పోయి, తనూ హీరో అయిపోవాలనుకున్నాడు. ఆ ఆలోచనతోనే 'ఆ ఒక్కడు', 'సారాయి వీర్రాజు' సినిమాల్లో హీరోగా నటించాడు.  కానీ, ఆ ప్లాన్ బెడిసికొట్టింది. హీరోగా మాత్రం సక్సెస్ కాలేకపోయాడు. దాంతో ప్రస్తుతం చిన్న చిన్న పాత్రలు చేస్తున్న అజయ్ కి ఇప్పుడు ఓ పెద్ద ఆఫర్ వచ్చింది. పవన్ కళ్యాణ్ నటించే 'గబ్బర్ సింగ్' సినిమాలో హీరోకి సోదరుడిగా నటించనున్నాడని తెలుస్తోంది.  ఈ సినిమాకి హారీష్ శంకర్ దర్శకత్వం వహిస్తున్నారు. పవన్ కి బ్రదర్ గా నటించడమంటే అజయ్ కి బంపర్ ఆఫరే అనే చెప్పచ్చు. ఈ సినిమా అజయ్ కెరీర్ కి మళ్ళీ టర్నింగ్ పాయింట్ అవుతుందేమో చూడాలి!