రామ్ చరణ్ ప్రశంసలందుకున్న చిత్రం

హృతిక్ రోషన్ హీరోగా కరణ్ జొహార్ నిర్మించిన 'అగ్నిపధ్' హిందీ చిత్రం కలక్షన్లలో సరికొత్త రికార్డులు సృష్టిస్తున్న సంగతి తెలిసిందే. 'బాడీగార్డ్' చిత్రం ఐదు రోజుల వసూళ్లను ఇది నాలుగు రోజుల్లోనే అధిగమిస్తున్నట్టు వార్తలొస్తున్నాయి. కాగా, ఈ చిత్రం టాలీవుడ్ యంగ్ హీరో రామ్ చరణ్ తేజాకు ఎంతగానో నచ్చిందట. ఈ చిత్రం చూసి ఎమోషన్ ఆపుకోలేక తన అభిప్రాయాన్ని నలుగురికీ చెప్పాడు. ఇంతటి తీవ్రత, ఉత్కంఠ వున్న యాక్షన్ చిత్రం ఇంతవరకు రాలేదనీ, తాను చూడలేదనీ చరణ్ అంటున్నాడు. హృతిక్ రోషన్ అభినయానికి హ్యాట్సాఫ్ అంటూ అభినందించాడు. అతను ఏ భాష వాడైనా సాటి నటుడిని కాంప్లిమెంట్ చేయడం చరణ్ సంస్కారమనే చెప్పాలి!