మహేష్ బాబు పేరు మారిపోయిందట!

మహేష్ బాబు పేరు ఇప్పుడు మారిపోయిందట. అందరూ అసలు పేరు వదిలేసి తననిప్పుడు 'సూర్యాభాయ్' అంటూ పిలుస్తున్నారట. ఈ విషయాన్ని మహేష్ బాబే తాజాగా వెల్లడించాడు. ఇంతకీ సూర్యాభాయ్ అంటే అందరికీ తెలిసిందే.... ఇటీవల విడుదలైన 'బిజినెస్ మేన్' సినిమాలో మహేష్ పోషించిన పాత్ర పేరది. దీని గురించి మహేష్ చెబుతూ, "దర్శకుడు పూరీ జగన్నాథ్ కారణంగా నా పేరు సూర్యాభాయ్ గా మారిపోయింది. ప్రతి ఒక్కళ్ళూ నన్ను అదే పేరుతో పిలుస్తున్నారు. అంతలా 'బిజినెస్ మేన్' సినిమాలోని ఆ పేరు పాప్యులర్ అయిపోయింది. ఈ సినిమాని అందరూ ఎంతగానో ఆదరిస్తున్నారు" అంటున్నాడు ఆనందంతో మహేష్... సారీ... సూర్యాభాయ్!