దర్శకుడు రాజమౌళి ఇప్పుడు చాలా ఎగ్జయిటింగ్ గా వున్నాడు. ఎంత అంటే, మాటల్లో చెప్పలేనంత! ఎందుకంటే, తాను ఎంతో అభిమానించే ఓ స్టార్ ని కలుసుకోబోతున్నాడు. రాజమౌళి అభిమానించే ఆ హీరో ఎవరనుకుంటున్నారా? మరెవరో కాదు... బాలీవుడ్ లో ప్రయోగాత్మక, సాహసాత్మక సినిమాలు తీసే హీరో ఆమిర్ ఖాన్! అవును... రాజమౌళి రేపు (డిసెంబర్ 31 ) ఆమిర్ ని కలవనున్నాడు. "వావ్...చాలా ఎగ్జయిటింగ్ గా వుంది. ఆమిర్ ని రేపు కలుస్తున్నాను. అలాగని చెప్పి ఏదో సినిమా చేస్తున్నామని ఏవో ఊహించేసుకోకండి" అంటున్నాడు రాజమౌళి. ఇంతకీ అసలు విషయం ఏమిటంటే, 'మగధీర' సినిమా గురించి తెలుసుకుని, ఆ సినిమా చూడాలన్న కోరికను వ్యక్తపరిచాడు ఆమిర్. దాంతో ప్రింట్ పంపించి చూపించారు. చూసిన వెంటనే ఫోనే చేసి, రాజమౌళిని ఆమిర్ ఎంతగానో అభినందించాడట. ఆ సందర్భంగా 'మిమ్మల్ని క్యాజువల్ గా కలవాలని వుంది' అని రాజమౌళి అనగానే, 'మోస్ట్ వెల్ కమ్' అంటూ మనస్పూర్తిగా ఆహ్వానించాడట. సో .. రేపు జరగబోయే ఈ మీటింగ్ ఓ పెద్ద హిందీ సినిమా ఆవిర్భావానికి దారితీయచ్చేమో! |
Thursday, December 30, 2010
ఆమిర్ ఖాన్, రాజమౌళి మీటింగ్!
Subscribe to:
Post Comments (Atom)
No comments:
Post a Comment