దాసరికి బాలచందర్ చేతుల మీదుగా సన్మానం

దర్శకుడిగా దాసరి నారాయణరావు రికార్డులు అందరికీ తెలిసినవే. ఇప్పుడు 'పరమ వీర చక్ర' చిత్రం ఆయనకు 150 వ చిత్రం. ఈ అరుదైన రికార్డును సొంతం చేసుకున్నందుకు 'పరమ వీర చక్ర' ఆడియో వేడుకలో దాసరికి మరో ప్రముఖ దర్శకుడు బాలచందర్ చేతుల మీదుగా ఘన సన్మానం జరిగింది. శాలువా కప్పి, నిలువెత్తు గజమాలను వేసి, నిలువెత్తు సన్మాన పత్రాన్ని సమర్పించి దాసరిని సత్కరించారు. ఈ సందర్భంగా సభికులంతా  స్టాండింగ్ ఒవేషన్ తో దాసరికి అభినందనలు తెలిపారు.  మరో విశేషమేమిటంటే, ఇదే వేదికపై ప్రముఖ తమిళ దర్శకుడు రామనారాయణకు దాసరి సన్మానం చేసారు. రామనారాయణ 120 చిత్రాలకు దర్శకత్వం వహించారు.