'దేవదాసు' రామ్ కి 'హ్యాపీ హీరో డే'

యంగ్ హీరో రామ్ వయసిప్పుడు ఐదేళ్లట. కంగారుపడకండి... అసలు వయసు కాదు... ఆర్టిస్టుగా! అవును, తను సినిమాల్లోకి వచ్చి సరిగ్గా నేటికి ఐదేళ్ళయిందట. ఈ విషయం తనే చెబుతున్నాడు. "నా తొలి చిత్రం 'దేవదాసు' 2006 జనవరి 11 న రిలీజ్ అయింది. అంటే, సరిగ్గా ఈరోజుకి ఫైవ్ ఇయర్స్ కంప్లీట్ అయ్యాయి. సో.. ఆర్టిస్టుగా ఇప్పడు నాకు ఫైవ్ ఇయర్స్ అన్నమాట, నాకు నేనే 'హ్యాపీ హీరో డే' చెప్పేసుకుంటున్నాను" అంటున్నాడు హ్యాపీగా. అభిమానుల్ని అలరించడం కోసం ముందుముందు ఇంకా మంచి సినిమాలు చేస్తానంటున్నాడు. ఈ ఐదేళ్లలో రామ్ మొత్తం ఆరు సినిమాలు (దేవదాసు, జగడం, రెడీ, మస్కా, గణేష్, రామ రామ కృష్ణ కృష్ణ) చేయగా, వీటిలో 'దేవదాసు', 'రెడీ' ఈ రెండే హిట్ అయ్యాయి. కాగా, టాలీవుడ్ లో ప్రస్తుతం జరుగుతున్న సమ్మె త్వరలోనే ముగుస్తుందనీ, బహుశా 17 నుంచి తను 'కందిరీగ' షూటింగులో పాల్గొంటాననీ చెబుతున్నాడు. ఈ 'కందిరీగ' సినిమానే టాలీవుడ్ లో ఈ కల్లోలానికి కారణమన్న సంగతి అందరికీ తెలిసిందే!