అందాలతో హడలుగొడుతున్న తాప్సీ

	ఉరుమురిమి మంగళం మీద పడ్డట్టు తాప్సి వచ్చి హన్సిక మీద పడిందిప్పుడు. అసలే సినిమాలు లేవనుకుంటుంటే వున్న వాటిని కాస్తా ఈ తాప్సి తన్నుకుపోయేలా వుందని హన్సిక గోలపెడుతోంది. ఇంతకీ విషయం ఏమిటంటే, 'ఝుమ్మంది నాదం' చిత్రం ద్వారా పరిచయమైన కధానాయిక తాప్సీ తమిళంలో తాజాగా 'ఆడుకలాం' అనే చిత్రంలో నటించింది. సంక్రాంతికి విడుదలవుతున్న ఈ సినిమాలో తాప్సి రెచ్చిపోయి మరీ అందాలు ప్రదర్శించిందట. ఆ ఫొటోలనే నిర్మాత పబ్లిసిటీకి వాడుతున్నాడు. ఇప్పుడీ ఫొటోలతో కూడిన పోస్టర్లు తమిళనాట కుర్రాళ్లను మత్తెక్కిస్తున్నాయట. తాప్సీకి వస్తున్న ఈ రెస్పాన్స్ చూసి తమిళ మీడియా 'ఇక హన్సిక పని అయిపోయింది. పెట్టీబేడా సద్దుకుని ముంబై వెళ్లిపోవడమే మంచిది' అంటూ కధనాలు రాస్తున్నాయట. దీంతో హన్సికి పైకి 'తాప్సి వల్ల నాకేరీర్ కేమీ ఇబ్బంది లేదు. నేను చేస్తున్న వన్నీ పెద్ద సినిమాలు. తను నాకెక్కడ పోటీ?' అంటూ గంభీరంగా చెబుతున్నప్పటికీ లోపల మాత్రం గుబులుగానే వుందట. అసలే తెలుగులో మార్కెట్ లేక బాధపడుతుంటే, 'ఇక్కడ కూడా ఇదేం బాధరా బాబూ' అంటూ వాపోతోందట!