'అలాంటి పోజులివ్వ'నంటున్న తారామణి

బాలీవుడ్ హీరో సల్మాన్ ఖాన్ ని రహస్యంగా పెళ్లి చేసుకుందంటూ కధానాయిక అశిన్ మీద ఈమధ్య రూమర్లు వచ్చిన సంగతి మనకు తెల్సు. ఈ వార్త సద్దుమణగక ముందే మరో వార్త ఈ మల్లూ బేబీని ఉక్కిరిబిక్కిరి చేస్తోంది. అదేమిటంటే, 'టూ పీస్' బికిని ధరించి ఈ అమ్మడు కెమెరాలకు పోజులిచ్చిందంటూ వచ్చిన వార్తలు ఆమెను బాగా అప్ సెట్ చేసాయి. దానికి తోడు అటువంటి ఫొటోలు కూడా ఇంటర్ నెట్ లో బాగా షికార్లు చేస్తుండడంతో అవి ఆమె కంట కూడా పడ్డాయి. అయితే, ఆ ఫొటోలు తనవి కావనీ, మార్ఫింగ్ మాయాజాలంతో కొంతమంది ఆకతాయీలు చేసిన ఫొటోలనీ అశిన్ వివరణ ఇస్తోంది. "ఆ ఫొటోలు చూసాను. అసలు నా ఫిజిక్ కీ, ఆ ఫొటోలలోని ఫిజిక్ కీ సంబంధమే లేదు. ఎవరో తుంటరోళ్లు చేసిన మార్ఫింగ్ ఫొటోలివి. నేనెప్పుడూ ఇలా బికినీలు వేసుకోను. సినిమాలు లేకపోతే ఇంట్లోనైనా కూర్చుంటాను తప్ప ఇలాంటి పోజులివ్వను" అంటూ కాస్త ఎమోషనల్ గా చెప్పింది అశిన్. కావాలంటే ఆ ఫొటోలను మీరూ నెట్ లో చూడొచ్చు!