సంక్రాంతి 'వీరుడు' ఎవ్వరు?

సంక్రాంతికి సినిమాలు రిలీజ్ కావడం మన సంస్కృతిలో ఓ భాగమైపోయిందనే చెప్పాలి. ప్రతి ఏడూ పెద్ద హీరోల చిత్రాలు పెద్ద పండగగా పిలుచుకునే సంక్రాంతికి బోలెడు హంగులతో వస్తుంటాయి. ఇప్పుడు కూడా కొన్ని సినిమాలు వస్తున్నాయి. వీటిలో ముఖ్యంగా చెప్పుకోతగ్గది 'పరమ వీర చక్ర'. బాలకృష్ణ హీరోగా దాసరి నారాయణ రావు దర్శకత్వంలో వస్తున్న చిత్రం కాబట్టి దీనిపై ఎన్నో అంచనాలున్నాయి. దాసరికి 150 వ చిత్రం కావడం ఒకెత్తయితే, 'సింహా' వంటి సూపర్ హిట్ తర్వాత వస్తున్న బాలకృష్ణ చిత్రం కావడం మరో ఎత్తు. నిజంగా మునుపటి దాసరి లా ఆయన తీసుంటే కనుక, ఇక ఈ సినిమాకు తిరుగు లేదు!  అలాగే, రవితేజ నటించిన 'మిరపకాయ్' కూడా ఈ రేస్ లో వుంది కానీ, ఎక్స్ పెక్టేషన్స్ మాత్రం అంతగా లేవు. ఇక అంచనాలు బాగా వున్న మరో సినిమా 'అనగనగా ఓ ధీరుడు'. కేస్టింగ్ పరంగా, టెక్నీషియన్ ల పరంగా క్రేజ్ లేకపోయినా ఫేంటసీ సినిమా కావడం అందర్నీ ఆకర్షిస్తోంది. ఇక సుమంత్ నటించిన 'గోల్కొండ హై స్కూల్' కి పోటీ ఇచ్చే స్థాయి లేదు. ఏమైనా, ఒక రోజు అటు, ఇటు తేడాతో రిలీజ్ అవుతున్న వీటిలో చివరికి ఏవి పేలతాయో, ఏవి తుస్ మంటాయో చూడాలి!