తెర నిండా తమన్నా అందాలే!

	ఇప్పుడు తమన్నా కూడా తగుదునమ్మా అంటూ పోటీకి దిగింది. ఎందులో అనుకుంటున్నారూ... ఎక్స్ పోజింగ్ లో! ఇన్నాళ్లూ తన అందాలను  కాస్త కాస్తగా చూపిస్తూ వచ్చిన ఈ మరాఠీ భామ ఇప్పుడు, 'సరిలేరు నాకెవ్వరూ..' అంటూ ఒక్కసారిగా డోసు పెంచేసింది. 'సిరుతై' అనే తమిళ సినిమాలో ఈ ముద్దుగుమ్మ తన అందాలను తెర నిండా విరజిమ్మనుంది. ఆమధ్య తెలుగులో వచ్చిన 'విక్రమార్కుడు' చిత్రానికిది రీమేక్. తెలుగులో అనుష్క చేసిన క్యారెక్టర్ ని అక్కడ తమన్నా చేస్తోంది. అయితే, అనుష్క కన్నా కాస్త మోతాదు పెంచి హాట్ హాట్ గా నటించిందట. ఇప్పుడు కోలీవుడ్ లో ఇదే హాట్ టాపిక్ కూడా అయింది. 'ఇన్నాళ్లూ చూసిన తమన్నా వేరు, ఇప్పుడీ సినిమాలో కనిపించే తమన్నా వేరు' అంటున్నారు తమిళ సినీజనం. విశేషమేమిటంటే, ఆమధ్య 'ఆవారా' లో తమన్నాతో కలిసి నటించిన కార్తీ ఇందులో కూడా హీరోగా చేసాడు. వీరిద్దరి మధ్యా ఇప్పుడు తెర మీదే కాకుండా, నిజ జీవితంలో కూడా మంచి 'లవ్ స్టోరీ' నడుస్తోందని కోలీవుడ్ లో బాహాటంగానే చెప్పుకుంటున్నారు.