నటుడిగా అన్నిరకాల ప్రయోగాలు చేస్తూనే నిర్మాణ రంగంలోనూ అడుగు పెట్టిన ప్రకాష్ రాజ్, తన అభిరుచికి తగిన సినిమాలను అందించారు. ఇక ఇప్పుడు దర్శకుడిగా 'ధోని' అనే సందేశాత్మక చిత్రాన్ని రూపొందిస్తున్నారు. నేటి విద్యా వ్యవస్థ పని తీరు ... తల్లిదండ్రుల ఆలోచనలకీ- పిల్లల భావాలకి మధ్య అగాధం ఏర్పడటానికి గల కారణాలకి సంబంధించిన కథాంశంతో ఈ సినిమా తెరకెక్కుతోంది. తెలుగు -తమిళ భాషల్లో ప్రేక్షకుల్ని పలకరించనున్న ఈ సినిమా... ఈ నెల 3 న ఆడియో వేడుకని జరుపుకుని,10 వ తేదీన ప్రేక్షకుల ముందుకు వస్తోంది. ఈ సినిమాకి సంబంధించిన తెలుగు పంపిణీ హక్కుల్ని ప్రముఖ నిర్మాత దిల్ రాజు తీసుకున్నారు. ఇదే విషయాన్ని ఈ రోజు ఉదయం హైదరాబాదులో ఏర్పాటు చేసిన ప్రెస్ మీట్ లో ఆయన తెలియజేశారు.
No comments:
Post a Comment