'అలా మొదలైంది' సినిమా తర్వాత దర్శకురాలు నందినీ రెడ్డి రూపొందించే తదుపరి చిత్రం షూటింగు ప్రారంభించడానికి ఏర్పాట్లు పూర్తయ్యాయి. ఇటీవల 'బాడీగార్డ్' చిత్రాన్ని నిర్మించిన బెల్లంకొండ సురేష్ నిర్మించే ఈ చిత్రంలో సిద్ధార్థ్, సమంతా హీరో హీరోయిన్లుగా నటిస్తున్నారు. ఈ చిత్రం షూటింగును ఫిబ్రవరి 2 న హైదరాబాదులో ప్రారంభిస్తారు. అదే రోజు నుంచి రెగ్యులర్ షూటింగ్ కూడా కంటిన్యు చేస్తారని తెలుస్తోంది. రొమాంటిక్ మ్యూజికల్ ఎంటర్ టైనర్ గా రూపొందే ఈ సినిమా షూటింగు ఎప్పుడో ప్రారంభం కావాల్సింది. అయితే, ఈ చిత్రానికి డేట్స్ ఇవ్వడంలో సమంతా ఇబ్బంది పెడుతోందన్న కారణంతో నిర్మాత ఫిలిం చాంబర్ కి వెళ్ళిన సంగతి మనకు తెలిసిందే. చాంబర్ చొరవతో సమంతా, నిర్మాతల మధ్య నెలకొన్న వివాదం సద్దుమణిగింది. షూటింగు ప్రారంభానికి మార్గం సుగమం అయింది.
No comments:
Post a Comment