ముంబయ్ భామ జెనీలియా తన ప్రియ సఖుడు రితేష్ దేశ్ ముఖ్ ని రేపు వివాహమాడుతున్న సంగతి తెలిసిందే. వివాహానికి ముందు జరిగే 'సంగీత్' కార్యక్రమాన్ని మొన్న ఈ జంట చాలా ఘనంగా సెలెబ్రేట్ చేసుకుంది. బాలీవుడ్ ప్రముఖులు చాలా ఉత్సాహంగా ఈ వేడుకలో పాల్గొన్నారు. ఇక రేపు వీరి వివాహం కన్నుల పండువగా జరుగనుంది. అయితే, ఇక్కడ విశేషమేమిటంటే... జెనీలియా రేపు రెండు పెళ్ళిళ్ళు చేసుకుంటోంది. అపార్ధం చేసుకోకండి... రితేష్ నే రెండు రకాలుగా పెళ్లి చేసుకుంటోందిలెండి!అసలు విషయం ఏమిటంటే... జెనీలియా క్రీస్టియన్ కాగా... రితేష్ హిందువు. దాంతో వీరి వివాహం రేపు ఉదయం చర్చిలో క్రైస్తవ సంప్రదాయపరంగానూ, సాయంకాలం హిందూ సంప్రదాయం ప్రకారం జరుగుతుందట. అందుకే, ఇలా ఒకే రోజు రెండు రకాల పద్ధతుల్లో వివాహం జరుపుకునే అవకాశం ఆమెకు రావడంతో... 'అదృష్టమంటే జెనీలియాదే' అంటున్నారు బాలీవుడ్ లోని ఆమె స్నేహితులు!
No comments:
Post a Comment