'నా ఇష్టం' అంటూ కాడమల్లె లాంటి జెనీలియాతో కలిసి దగ్గుబాటి రానా షికారు చేస్తున్నాడు. వీలైతే అటు మలేషియాలో, లేదంటే ఇటు రామోజీ ఫిల్మ్ సిటీలో ఆమె తో కలిసి ఆడిపాడుతున్నాడు. నిజం చెప్పాలంటే 'నా ఇష్టం' సినిమా కోసమే వీళ్ళిద్దరూ కలిసి ఇలా కష్ట పడుతున్నారు. ఈ సినిమా షూటింగ్ దాదాపు పూర్తి అయిందనీ... ఇక ఒక్క పాట మాత్రమే బ్యాలన్స్ ఉందని దర్శకుడు ప్రకాష్ తోలేటి అంటున్నారు.హీరో ఇంట్రడక్షన్ కి సంబంధించిన ఆ సాంగుని ప్రేమ్ రక్షిత్ నృత్య దర్శకత్వంలో మలేసియాలో చిత్రీకరించేందుకు సన్నాహాలు జరుగుతున్నాయని చిత్ర నిర్మాత పరుచూరి కిరీటి చెప్పారు. ఈ సినిమాకి చక్రి చాలా వినసొంపైన బాణీలు అందించారనీ... ప్రముఖ గాయనీ గాయకులు వాటిని ఆలపించారని అన్నారు. ఈ నెలలో ఆడియో వేడుకని వినూత్నంగా జరపబోతున్నామనీ... మార్చ్ ద్వితీయార్ధంలో ఈ సినిమా ప్రేక్షకుల ముందుకు వస్తుందని చెప్పారు. 'లీడర్'... 'నేను నా రాక్షసి' వంటి పరాజయాలతో డీలా పడిన రానాకి ఈ సినిమా ఎంతవరకు హెల్ప్ అవుతుందో...ఏమో..!
No comments:
Post a Comment