ఒక తమిళ సినిమా అనౌన్స్ మెంట్ వస్తే చాలు... మన నిర్మాతలు చెన్నయ్ వెళ్లి ఈగల్లా వాలిపోతారు. అందుకే తమిళ సినిమాల తెలుగు డబ్బింగ్ రైట్స్ కోట్లలో ఉంటున్నాయి. మొన్నామధ్య రజనీకాంత్ నటించిన 'రోబో' సినిమా తెలుగులో కూడా ఘనవిజయం సాధించడంతో, ఇప్పుడు రజనీ నటిస్తున్న 'కొచ్చాడియాన్' చిత్రానికి కూడా మన నిర్మాతలు భారీ ఆఫర్లు ఇస్తున్నారట. పైగా, ఇది 3D ఫార్మేట్లో తీస్తుండడం, పలువురు ప్రముఖ నటులు నటిస్తుండడం ... రజనీ కూతురు సౌందర్య డైరెక్టర్ కావడం... ఇవన్నీ మన నిర్మాతల్ని బాగా టెంప్ట్ చేస్తున్నాయట. అందుకే పెద్ద మొత్తంలో అడ్వాన్స్ ఆఫర్ చేస్తూ పోటీ పడుతున్నట్టు తెలుస్తోంది. ఇటీవల తెలుగులో సినిమా ఫ్యాక్టరీ నెలకొల్పినట్టుగా, ఏకబిగిన సినిమాలు తీసేస్తున్న ఆర్.ఆర్.మూవీ మేకర్స్ సంస్థ ఈ పోటీలో మరింత ముందుందని అంటున్నారు. ఎంత రేటైనా సరే, ఈ సినిమాని వదులుకోకూడదని ఆర్.ఆర్..మూవీ మేకర్స్ అధినేత వెంకట్ కృతనిశ్చయంతో ఉన్నారట. పైగా, డబ్ చేస్తే ఆ సినిమాకు 'ఖడ్గ రుద్ర' అనే టైటిల్ కూడా అప్పుడే అనుకున్నారట!
No comments:
Post a Comment